FIAT 500L

Multijet dizel mühərriki olan bu modelin yanacaq sərfi digər 7 yerlik avtomobil modelləri ilə müqayisədə bir az daha sərfəli görünür. Zavod məlumatlarına baxdığımızda Fiat 500L Living şəhərdə 4.5 litr, şəhərlərarası məsafədə 3.7 litr və orta hesabla 4.0 litr yanacaq sərf edir. 50 litrlik yanacaq çəninə sahib olan bu modelin çəkisi 1310 kiloqramdır. 1.3 Multijet və 1.6 Multijet mühərrik variantlarında mövcuddur.

SEAT ALHAMBRA

1.4 TSI, 1.9 TDI və 2.0 TDI mühərrik variantları ilə müştərilərinə təqdim edilir. Euro NCAP təhlükəsizlik testlərindən orta bal almışdır. Bundan əlavə, Alhambra 7 nəfərlik digər avtomobil modelləri ilə müqayisədə daha çox yanacaq istehlak edir. Şəhərdə 8,1 litr, şəhər xaricində 5.9 litr və orta hesabla 6.7 litr istehlak edir. Alhambranın baqaj həcmi 300 litrdir.

DACIA LODGY

Daxili böyük həcmi ilə çox insanı özünə cəlb edən Dacia, 7 nəfərlik modeli ilə böyük ailələrin sevimlisinə çevrilməyi bacarıb. 2012-ci ildə istehsal olunmağa başlanan Dacia Lodgy hələ də istehsaldadır. Ayrıca Trip Computer, Media Nav Multimedia Sistemi, Sürət məhdudlaşdırıcısı və arxa parkinq sensoru kimi texnologiyalar baxımından müsbət xüsusiyyətlərə malikdir.

7 nəfərlik olan modellər arasında ən böyük daxili həcmə sahib olan Lodgy, eyni zamanda yanacaq sərfiyyatında da birinci yerdədir. 1.5 dCi Renault mühərrikindən istifadə edilir. Şəhərdə 5.3 litr yanacaq, şəhərlərarası uzun yollarda 4.0 litr və orta hesabla 4.4 litr yanacaq sərf edir. 90 və 110 at gücü ilə müştərilərə təklif edilir və avtomobilin yanacaq çəni 50 litrdir.

TOYOTA VERSO

4 mühərrik variantına sahibdir, yəni Verso 1.6, 1.6 D - 4D, 1.8 və 2.0 D - 4D. Versonun baqaj həcmi 440 litr, yanacaq anbarı isə 55 litrdir. Yanacaq istehlakına baxsaq, Toyota Verso şəhərdə 8.6 litr yanacaq, şəhər xaricində 5.7 litr və orta hesabla 6.8 litr istehlak edir. Yanacaq istehlakı baxımından, öz seqmentində digər 7 yerlik avtomobil modellərindən daha çox yanan nəqliyyat vasitələri kateqoriyasındadır.

SSANGYONG RODİUS

2 ton ağırlığındadır. 5 pilləli avtomatik dizel Rodius 155 at gücü və 360 NM fırlanma anına malikdir. Performans baxımından 7 nəfərlik avtomobillərdən ən yaxşı biri olmaq üçün bir namizəddir. Ancaq təəssüf ki, yanacaq istehlakı məsələsində eyni şeyi deyə bilmərik. Rodius şəhərdə 9.9 litr yanacaq, şəhərlər arası 6.6 litr və orta hesabla 7.8 litr yanacaq sərf edir. Əlbəttə ki, bunlar zavod məlumatlarıdır, real yanacaq istehlakı 11 litrə çatır.

SSANGYONG REXTON

Ssangyong'un 2 tonluq nəqliyyat vasitələrindən biri də Rexton. Rexton 2.0 D, 2.0 e - XDI W, 2.0 XDI və 2.7 XDI 4 mühərrik variantı ilə çıxış edir. Rexton 6 pilləli avtomatik ötürücüyə sahibdir. Uzunluğu 4,8 metr, eni 1,9 metrdir. Yanacaq çəni 78 litrdir. Hər baxımdan nəhəng olan Rexton, şəhərdə 9.5 litr yanacaq, şəhər xaricində 6.4 litr və orta hesabla 7.5 litr istehlak edir. Rodiusda olduğu kimi, bu modeldə həqiqi istehlak 11 litrdən çoxdur.

FORD GALAXY

Ford Galaxy hazırda iki növ mühərrik variantı ilə alıcılarını gözləyir, yəni 1.5L EcoBoost 160 At gücü və Dizel 2.0L TDCi 180 at gücü.

İspaniyada istehsal olunur. Ford Galaxy şəhərdə 8,0 litr yanacaq, şəhərlərarası yollarda 5.6 litr və orta hesabla 6.5 litr istehlak edir. Bir az çox yandırdığı bir həqiqətdir, amma 1700 kiloqram ağırlığında və performans baxımından möcüzə yaradan mühərrikə malikdir.

FORD S-MAX

Fordun 7 nəfərlik avtomobili olan Ford S-Max, Galaxy ilə oxşar cəhətləri ilə diqqət çəkir. Bu avtomobil ilə şəhərdə parkinq problemi yarana bilər. Ford S-Maxın tam bir ailə avtomobili olduğunu söyləyə bilərik. Təchizatı və böyük daxili həcminə görə bu avtomobilə üstünlük verilir.

Ford S-Max şəhərdə 8,0 litr yanacaq, şəhərlər arası yollarda 5.6 litr və orta hesabla 6.5 litr yanacaq sərf edir.

Land ROVER DISCOVERY

7 nəfərlik avtomobil modelləri içində ən yüksək qiymətə malik olanlardan biri kimi Land Rover Discovery, performansı, rahatlığı ilə qiymətinə layiq olan lüks bir avtomobildir. 8 pilləli avtomatik ötürücü olan Land Rover Discovery, çox məşhur bir modeldir. Fabrik məlumatlarına baxsaq, Land Rover Discovery şəhərdə 7,2 litr yanacaq, şəhər xaricində 5.6 litr və ortalama 6.2 litr var. Turbo dizel mühərrikləri ilə 180 və 240 at gücündə mühərrik variantları var.

RENAULT GRAND SCENİC

Ən populyar 7 nəfərlik avtomobil modellərindən biri Renault Grand Scenic-dir. Renault Grand Scenic 110 at gücü və 240 NM fırlanma anına malikdir. 60 litr yanacaq çəni var. Avtomobil şəhərdə 6.1 litr yanacaq, şəhər xaricində 4.6 litr və orta hesabla 5.2 litr yanacaq sərf edir. Bu rəqəmlər digər 7 yerlik avtomobil modelləri ilə müqayisədə çox aşağıdır.