Alfa Romeo markasının tarixinə baxdıqda keyfiyyətini həmin dövrdə də sübut etdiyini görmüş oluruq.
Son illərdə istehsal etdiyi nəqliyyat vasitələri ilə adını tez-tez xatırladan Alfa Romeo, bizi 1 əsr əvvələ - 1910-cu ilə qaytarır.
İtalyan avtomobil nəhəngi Alfa Romeo, 1910-cu ildə Cavalier Ugo Stella tərəfindən quruldu. Cavalier Ugo Stella Alfa Romeo tarixinə fransız avtomobil istehsalçısı "Società Italiana Automobili Darraq"ın italyan səhmlərini almaqla başladı. İlk fabrik Milanın şimalında yaradıldı İstehsal etdiyi ilk avtomobildən son avtomobilə qədər ehtiyaca uyğun olaraq tamamilə faydalı istehsalı davam etdirmişdir. İlk nəqliyyat vasitəsi 1910-cu ildə istehsal olunsa da, Alfa Romeo olaraq satışa çıxarıldığı andan 300 ədəd satıldı. Firma istehsal etdiyi idman və yarış avtomobilləri sayəsində məşhurluq qazanırdı. İlk avtomobil olan və onun memarı olaraq bilinən Gluseppe Merosi adlı İtalyan tərəfindən istehsal edilən ilk avtomobil dövrün tələbinə uyğun mükəmməl bir idman avtomobili idi. Alfa'nın gənc mühəndisi Guiseppe Merosi əslində velosiped fabrikində çalışırdı. Mühəndisi olduğu ilk avtomobil 24 at gücündə idi, 4,1 litrlik bir blok mühərrikə sahib idi və avtomobil 100 km/saata qədər sürətlənə bilirdi.
Birinci Dünya Müharibəsi başladı və şirkət istehsal üçün lazım olan kapital miqdarında çətinlik çəkməyə başladı. Neapoldan elektrik mühəndisi olan Nikola Romeo Alfa'nın bütün hissələrini satın aldı və təyyarə mühərrikləri istehsalına başladı. Bu tarixdən sonra şirkətin adı Alfa Romeo Milano olaraq dəyişdirildi. Müharibə illərində avtomobil sektoru durğunlaşdı. Guiseppe Merosi də Neapoldakı şirkətin dəmiryol fabrikinə göndərildi, lakin nəticədə şirkət müharibədən qazanc götürdü.
1918-ci ilin qışında investorlar şirkətin sonunda Milan adını çıxarmaq qərarına gəldilər və şirkət bu gün son adı Alfa Romeo olaraq qeydiyyata alındı. 1919-cu ildə Birinci Dünya Müharibəsinin bitməsi ilə Alfa Romeo maşın istehsalına davam etdi. Avtomobillər qısa müddət ərzində istehsal edildi və yeni dizaynlar hazırlanmağa başlanıldı.
1920-ci illərə Merosi'nin şah əsəri olaraq bilinən RL modeli ilə girən şirkət bu avtomobillə böyük bir müvəffəqiyyət qazandı. Ondan beynəlxalq səviyyədə 2640 sifariş verilmişdi. 1924-cü ildə Vittoria Jano adlı əfsanə Alfa Romeo yarış komandasının başına keçdi. Jano əvvəlcə P2 modelini hazırladı. 8 silindrli super mühərrikli P2-dən yalnız 6 ədəd istehsal edildi və 1920-ci illərin ən yaxşı yarış avtomobillərindən biri oldu.
Alfa Romeo 30-cu illərə Vittorio Jeno 6C 1750-nin möhtəşəm dizaynı ilə daxil oldu. Roma Avtosalonunda işə salınan avtomobilin mükəmməl gücü var idi, Nuvolari və Guidotti'nin bu avtomobillə 1930-cu ildə çox sayda yarış qazanmasına imkan verdi. 8C 2300 modeli, Le Mans yarışında İngilis və Fransız hökmranlığını qırmaq üçün istehsal edildi.
1937-ci ildə 8C 2900 modeli dünyanın ən gözəl yarış avtomobillərindən biri hesab olunurdu.
Müasir yarış dünyasının ən davamlı nəqliyyat vasitələrindən biri hesab edilən 158, 1950-ci ilə qədər Grand Prix yarışlarında birinci yeri qazandı və bu tarixdən sonra Formula 1 liqasında yarışmağa başladı.
1939-cu ildə Ugo Gobbato Neapolda yeni mühərrik fabriki qurdu. O dövrdə dünyanın ən mühüm təyyarə şirkətlərinin mühərrikləri istehsal edilirdi. 28 aprel 1945-ci ildə Ugo Gobbato işə gedərkən naməlum bir şəxs tərəfindən öldürüldü. Alman və italyan faşistləri ilə işləməkdə günahlandırılan Gobbatonun ölümü və müharibə səbəbindən Alfa Romeo çətin bir mərhələyə daxil oldu. Müharibədən sonrakı italyan üslubunu əks etdirən Freccia Doro cəlbedici oldu. Villa D-dakı model, hər il Komo Gölündə keçirilən dizayn yarışmasında ilk mükafatı qazanan çox şık bir avtomobil idi.
1950-ci illər
Müasir avtomobil olan Alfa Romeo 1900 orta səviyyəli ailələr üçün yaxşı bir seçim idi. Fantastik bir performansa əlavə olaraq, bu model əlverişli qiyməti ilə çox yaxşı bir satış rəqəminə malik idi. Bu dövrdə Formula 1 yarışlarında Alfa Romeo küləyi əsməyə başladı. Manuel Fangionun rəhbərlik etdiyi yarış komandası 159 modeli ilə iki dəfə Formula 1 çempionu oldu. Rəqiblərini geridə qoyan Manuel Fangio bu uğurları ilə Formula 1 tarixinə keçdi. 1951-ci ildə investor Guiseppe Luraghi Alfa Romeonun rəhbəri oldu. 1974-cü ilə qədər şirkətin rəhbəri idi və şirkətin yüksəlişinə böyük töhfələr verdi. 1950-ci illərin sonlarında Alfa Romeo yarışı tərk etməyə hazırlaşırdı və Giuiletta'nın inkişafına diqqət yetirirdi. Guiseppe Luraghi 1960-cı illərdə Alfa Romeonun rəhbəri oldu. Neapol yaxınlığında yeni bir fabrik inşa edən Luraghi, şirkətin böyüməsində böyük rol oynadı.
1961-ci ildə 100001 ədəd Giuiletta istehsal edildi. Bu hadisə böyük bir ziyafət ilə qeyd olundu.
1962-ci ildə yeni model Giulia təqdim edildi. Bir il sonra şirkət yenidən motorlu yarışlarda iştirak etmək qərarına gəldi və 1984-cü ilə qədər Carlo Chiti rəhbərlik etdiyi Autodelta ilə tərəfdaşlıq quruldu. Gran Turismo Allegrita adlı yeni yarış vasitəsi 1966, 67 və 69-cu illərdə Avropada xüsusi bir atmosfer yaratdı və ardıcıl üç dəfə çempion oldu.
1967-ci ildə Alfa Romeo dizayner Franco Scaglione ilə Tipo 33 adlı modeli inkişaf etdirdi. İndiyə qədər ən təsirli avtomobillərdən biri hesab olunan Tipo 33-dən yalnız 18 ədəd istehsal edilmişdi. Bu gün bu avtomobillərdən biri təqribən 13 milyon dollar dəyərindədir.
1970-ci ildə Alfa Romeo Monreal adlı model təqdim edildi. 8 silindrli mühərrikə sahib olan bu avtomobil 200 at gücünə sahib və sürəti saatda 250 kilometrə çata bilirdi.
Alfa Romeo 159-un təkmilləşmiş forması olaraq görə biləcəyimiz Alfetta, 1971-ci ildə istifadəyə verildi. İdman sedanı olaraq dizayn edilmiş avtomobil son dərəcə uğurlu oldu. Alfetta 1984-cü ilə qədər satışda olan modellərdən biri oldu.
1974-cü ildə şirkətin baş dizayneri olaraq Rudolf Hruska çağırıldı. Hruska Alfa Romeonu belə təsvir edir: “Alfa Romeo yalnız bir avtomobil şirkəti deyil. Alfa Romeo bir növ xəstəlikdir, ehtirasdır. Bir növ həyat tərzidir Alfa Romeo. Bu şirkətin kökündə ehtiras, xüsusi hisslər var. ”
1976-cı ildə Formula 1 sərgüzəştlərini davam etdirən şirkət Brabham adlanan yeni 3000 cc 12 silindrli mühərriki ilə yolları tozladı və 1978-də Formula 1-in çempion komandası oldu.
1980-ci illərdə Alfetta modeli V6 mühərriki ilə təchiz edilmiş və dünyanın bir çox yarışlarında, ilk növbədə ABŞ və Avropada yolların kralı olmuşdur. 1986-cı ildə Alfa Romeo Fiat qrupuna satıldı və Milan şəhərində Alfa Romeo Dizayn və R&D mərkəzi quruldu. 145, 147, 156 kimi modellər bu mərkəzdə tərtib edilmişdir. 1987-ci ildə Alfa 164 modeli təqdim edildi. Fiat qrupuna keçdikdən sonra Alfa Romeo tərəfindən istehsal edilən ilk avtomobil olan 164, böyük ailələrin bol yaşadığı ABŞ-da yaxşı bir müvəffəqiyyət əldə etdi.
Təhlükəsizliyin ön cəbhədə olduğu bir model Alfa Romeo 155, 1992-ci ildə təqdim edilmişdir. 1997-ci ildə 156 modeli ortaya çıxdı. Yeni nəsil avtomobil dizayn konsepsiyasının nümunəsi olan 156 dizel mühərrikinin populyarlığının aparıcı modellərindən biri idi və 1998-ci ildə Avropada ilin avtomobili seçildi.
2000-ci illərdə 156 GTA və Sportwagon GTA ilə sürətli bir giriş edən Alfa Romeo, bununla əfsanə Giulia Sprint GTA'nın mirasını davam etdirdi. 1998-1999-cu illərdə Fabrizio Giovanardi bu avtomobillə 2 dəfə İtaliya Superturismo çempionluğunu qazandı.
Şirkət 159 modelini işə saldıqdan sonra 2005-ci il şirkət üçün mühüm bir dönüş nöqtəsi oldu. Bununla da təhlükəsizlik, idman, dizayn və rahatlıqda güzəştə getmədi. Brera modeli kupe seqmentində klassik Alfa Romeo üslubunun ən mühüm nümunələrindən biri idi.
2015-ci ildə 4C Coupe ilə yüksək performans göstərən şirkət, mükəmməl quruluşunu təhlükəsizlik xüsusiyyətləri və üstün performansı ilə qarışdırdı.
Əsas zavodu Milanda yerləşdiyinə görə emblemə şəhər gerbinin fraqmenti – ağ fonda al-qırmızı xaç və öz şikarını udmaqda olan ilan daxil edilmişdir. Hazırda “Alfa Romeo” FİAT qrupunun tərkibinə daxildir.
1925 - 1946-cı illərdə istehsal etdiyi nəqliyyat vasitələri ilə bir daha adını çəkən marka, 1960-1870-ci illərdə də istehsal etdikləri avtomobillərlə etibarını qoruyub saxladı.
