Katalitik çevirici egzoz sisteminin bir hissəsidir.

Zərərli egzoz qazlarının (yanmamış karbohidrogenlər, karbonmonoksit və nitro oksidləri) bir sıra kimyəvi reaksiyalarla zərərsiz qazlara çevrilməsinə imkan verir. Həm benzin, həm də dizel avtomobillərdə olur. Əvvəlcə, nitro oksidindəki (azot oksidi) oksigen atomu ayrılır və azot oksidləri azot və oksigenə çevrilir. Sərbəst buraxılan oksigen karbonmonoksit (CO) ilə reaksiya verir və karbonmonoksit karbon qazına (CO2) çevrilir. Yandırılmamış karbohidrogenlər də oksigenlə reaksiya daxil olur və karbon qazı və su buxarına çevrilir. Beləliklə, bu zərərli qazlar azot, su buxarı və karbon dioksidi kimi zərərsiz qazlara çevrilir. Katalitik çeviricidəki keramik quruluşda reaksiyaları sürətləndirən platin, radium və palladium kimi katalizator elementləri var. Katalitik çeviricindəki keramika zərər görə, qırıla bilər. Bu vəziyyətdə, qırılan keramika səbəbiylə hərəkət edərkən nəqliyyat vasitənizin altından səs-küy eşidə bilərsiniz. Eyni zamanda, mühərrik nasazlığı lampası yanacaq, çünki çevirici öz vəzifəsini yerinə yetirə bilmir. Yeganə həll yolu katalitik çeviricini yenisiylə əvəz etməkdir. Zaman keçdikcə katalitik çevirici tutula da bilər. Katalitik çeviricinin uzun ömürlü olması üçün avtomobillərə texniki xidmət mütəmadi aparılmalıdır. Yaxşı saxlanılan bir avtomobilin katalitik çeviricisi yüz min km və ya daha çox məsafəni qət edə bilər. Katalitik çeviriciniz erkən tıxanarsa, avtomobil zərərli maddələrlə onun tutulmasına səbəb olan prosesin sürətli olması və ya yağ axdığı üçün ola bilər. Katalitik çevirici çoz tutulubsa, bu, avtomobildə hava yanacağı qarışığı ilə əlaqəli bir problem olduğunu və zəngin bir qarışıq ilə işlədiyini göstərir. Yağ katalitik çeviricidə yığılıbsa, piston halqalarında problem olduğuna işarədir.

Katalitik çeviricinin tutularkən təmizlənə bilər. Lakin yuxarıda qeyd edilən çatışmazlıqları olan bir avtomobilin katalitik çeviricisi yenidən  qısa müddətdə tıxanacaq. Bu səbəblə əvvəlcə bu nasazlıqlar aradan qaldırılmalıdır. Təmizləmə prosesi katalitik çeviricini tam təmizləyə bilməsə də, normal işləmə vəziyyətinə qayıdacaq. Təmizləmə onu yenisiylə əvəz etməkdən daha qənaətcildir. Katalitik çeviricinin dəyişdirilməsi bahalı olduğuna görə bəzi sürücülər tərəfindən sökülür. Bu vəziyyətdə avtomobil birbaşa ətraf mühiti çirkləndirən zərərli qazlar buraxaraq havanı çirkləndirəcəkdir. Bundan əlavə, katalitik çeviricinin çıxarılması üçün cəza yoxlama zamanı ağır bir qüsur hesab olunur. Avtomobilə nə qədər müntəzəm qulluq etsəniz, katalitik çeviricinin ömrü daha uzun olacaqdır.